ዘወረደ/Mul'achuu/Bu'iinsa/

Misbaakii
Bitamaafi waaqayyoodhaf sodaadhan
Rom'aadhanis Gammadaa
Abboommiisaa fudhadhaa Gooftaan akka hin dheekkamneef

Wangeela

            Yoh. 3:10-24 *Dubbisaa Diyaaqonii 1ffaa
            Ibr. 13:7-17 *Dubbisa Diyaaqonii 2ffaa
             Ya'iq. 4:6-dhumaa *Dubbisa luba gargaaraa
             HDB. 25:13-dhumaa

Gooftan keenya Fayyisaan keenya Iyyasuus kiristoos erga cuuphamee osoo hin oolin osoo hin bulin Kawaala Qoronxoos seenun guyyaa afurtamaa fi halkan afurtama soome; sagadee nuufis fakkeenya nuuf ta'e.
Bu'uuruma kanaan akka mana kiristiyaanaa keenyatti guyyaan 55 labsiidhan sooma guddaa(ዓብይ ፆም) jedhamuun ni Soomama. Soomni kuni maalif guddaa jedhame?
1. Fageenya yerootin guddaa waan ta'eef
2. Inni guddaa ta'e uumaan lafaa fi samiiwwanii ofii isaa soomera waan ta'eef
3. Qormaatni seexanaa gurguddoon kan itti deebii argateefi kan daabiloos itti moo'ame waan ta'eef.
Sooma kanas Hayyuu mana kiristiyaanaa keenya kan ta'e qulqullichi Yaared torbee torbeedhan qoqqoodee torbee saddeettaniifuu barsiifataa fi seenaa isaanii waliin kan wal siman maqaa itti mogaasun teessiseera.
Gal. 4:4 "Barri Beellamaa sun yeroo gahetti dubartii irraa kan dhalate mucaa isaa nuuf erge"

1. Zewerede/mul'achuu/bu'iinsa/

Waaqayyoon foon keenya uffatee nu gidduutti mul'achuu isaa "nuti garuu argineerra qaqqabneerra" akkuma jedhu kitaabni sirna galatoo akka namaatti deddeebi'uu isaa icciitiin foonummaa yeroo itti baratamuudha.
Ni bu'e yoo jennu nama ta'uu Waaqayyoo ibsuuf malee bu'uu fi bahuun kan itti jiraatu miti; inni iddoo hunda guutee jira waan ta'eef. Samiiwwan keessa olka'iisa isaanii kan beeku lafa gadi jedhaas dhuma qilee isaa kan beeku isa qofaadha hoo; kanaaf waaqa kanaan bu'e bahe hin jennu nama ta'uusaa ibsuuf garuu samiirraa bu'e jenna.


Yaa Abbaa keenya Saamiiwwanirra kan jiraattu yoo jennee kadhannus waaqayyoon samiirra teessoo isaa taasifatee yeroo ta'e immoo gara lafa dhufa jechuu osoo hin taane kabajni isaa olaanaa akka ta'e ibsuufidha malee inni iddoo hunda guutudha. Akkasuma Du'aa ka'umsa boodas ol bahe yoo jennu waaqummaa isaatiin teessoo isaarraa kan sokkee dhufe miti. Samiidhaa osoo hin hir'atin lafarrattis osoo hin dabalamin waaqni foon keenya uffatee nama ta'e.

Maalif moggaasni kun jalqaba ta'e?

Waa'ee soomuu Gooftaa keenya fi Fayyisaa keenya Iyyasuus kiristoos Raajiwwan inni hojjete; barumsa barsiise hunda dubbachuun dura waa'ee mul'achuu isaa nama ta'uu isaa lallabuun duursuu qaba waan ta'eefidha.

Kadhannaa hundee amantaa irratti akkas jennee akkuma kadhannu "Samiifi lafa kan uume, addunyaa mullatu kanaafi kan hin mul'anne osoo hin uumamin, isa wajjin kan ture Ilma Abbaa kan ta'u Waaqa tokko Iyyesuus Kiristositti ni amanna; Ifa Ifarraa argame, Waaqa Waaqa dhugaarraa argame, kan dhalate malee kan hin uumamne, amalummaa isaatin Abbaa wajjin kan walqixxaatu, hundumtuu kan isaan ta'e, samiirras lafarras kan jiru isaatiin malee homtuu kan ta'e hin jiru. Nuu fayyisuuf samiirraa gad bu'e, hojii Afuura Qulqulluutiin Qulqulleetti dubroo Maariyaamirraa nama ta'e"

Akkasumas waaqayyoon Biyya lafaa guutuf samii irraa gadi mul'ate; nageenya biyyi lafaa dhabe deebisuuf mul'ate; tasgabbii biyyi lafaa dhabe deebisuuf mul'ate; bilisummaa biyyi lafaa dhabe deebisuuf waaqayyoon dhalate. Efe. 4:10 "Inni bu'e kuni waan hunda guutuuf samii irraa kan dhufeedha'

Waa'ee mul'achuu/Bu'uu/ Abbootni maal jedhanii dubbatan?

*Qulqulluu Efreem(Galata maariyaamii) "Jechi Abbaa Gaara Tulluu siinaatti bu'e muusedhaafis seera laate"Jecha Abbaa kan ta'e waaqayyoo ilmi muusedhaaf seera kenne bara booda immoo foonin muul'ate seericha cimse."
"ውእቱኬYaa tulluu gad-of qabinsaan dubbatte, kunis gara keetti kan bu'edha. Nama kan jaallate inni jijjiirama malee sirraa nama ta'e"
*Sirna galatoo "Nyaatichis kan bu'e samii irraatii kan kennu jireenya Addunyaa hundumaaf"

                                                                                                          Dn Fikaaduu Girmaa